பிரபஞ்சத்தின் ஒளிக்கற்றை

1986ல் திருச்சி ஜோசப் கல்லூரியில் கம்ப்யூட்டர் கோர்ஸ் படிக்க உள்ள நுழைஞ்ச போது எனக்கு 22 வயது. இது வரை படித்துப் பெற்ற பட்டங்களை வச்சு வேலை வாங்குறது கஷ்டம், இனி வருங்காலம் கம்ப்யூட்டர் கையில் தான்னு புரிய ஆரம்பிச்சு அதுல எப்படியாவது சேர்ந்து படிக்கனும்ன்னு ஒரு புரபசர் உதவியோட மாலை நேரக் கல்லூரியில் கம்ப்யூட்டர் படிக்க ஆரம்பிச்சேன்.

கல்லூரியில் நாலு dumb terminals, கம்ப்யூட்டர்ல இருந்த மெமரி 16kb தான். வாரத்தில் இரண்டு நாள் 40 நிமிஷம் கம்ப்யூட்டர் முன் கிடைக்கும், அந்த குறுகிய நேரத்திற்குள் நாம எழுதிகிட்டுப் போன ப்ரோக்ராமை பன்ச் பண்ணி, error proof பார்த்து ஓட வைக்கனும். அங்க போய் புதுசா எழுத நேரமில்லை. அப்படி எழுதி கத்துகிட்டது தான் basic, cobol, fortran. Pascal பின்னாடி கத்துகிட்டேன். தஞ்சை LIC போனப்ப அவங்க punched card system reader வச்சுகிட்டு ஓட்டிகிட்டு இருந்தாங்க.

காலை நேரத்துல அப்ப இருந்த அரசியல் உணர்வோடு வங்கி வாசல்லையும் இன்சூரன்ஸ் கம்பெனி வாசல்லையும் போயி, வங்கிகளிலும் இன்சூரன்ஸிலும் கம்ப்யூட்டரைப் புகுத்தாதே வேலை வாய்ப்பைப் பறிக்காதேன்னு கத்திவிட்டு வருவேன்.

மாலை நேரத்துல உட்கார்ந்து கம்ப்யூட்டர் சயின்ஸ், ப்ரோக்ராம் படிப்பேன். படிக்கும் போது தான் இந்த விஞ்ஞான வளர்ச்சி எப்படியெல்லாம் உதவப்போகிறதுன்னு புரிய ஆரம்பிச்சுச்சு.

என்னோட இந்த காலை மாலை முரணான இரட்டை நிலையை நினைச்சு ரொம்பவே யோசிக்க ஆரம்பிச்ச காலம் அது. வயசும் 22 தான். எல்லாவற்றையும் ஒரேயடியாக புரிஞ்சுக்கிற வயதல்ல. இருப்பினும் விஞ்ஞான வளர்ச்சியை குறை சொல்ல மற்றும் தடுக்கக் கூடிய சக்தியாக எனது செயல் இருந்ததை நினைத்து வருந்தியது உண்டு.

இப்ப இந்த 35 வருட வளர்ச்சியில் பார்த்தால் கம்ப்யூட்டர் உள்ளே நுழையாத ஒன்று கூட இல்லை என்று சொல்லலாம். Arts, literature, medical, astronomy, ஆன்மீகம், archaeology, architecture, science, biology, chemistry, veterinary, history and geography, கம்யூனிகேஷன் என எல்லாயிடத்திலும் கம்ப்யூட்டர், அது உள்ளே புகாத இடமே கிடையாது இப்ப. அதன் மூலம் எந்த ஒரு நாடும் அடைந்த வளர்ச்சி மிக அதிகம்.

சிலர் எழுதுகிறார்கள்: ஆர்ட்ஸ், literature, கவிதையெல்லாம் எழுதிகிட்டு இருக்கிறவனுக்கு விஞ்ஞானத்தைப் பத்தி ஒன்னும் தெரியாதுன்னு. ரைட்டு. அது அவர்கள் ஒபீனியன். நடைமுறையில் அதுவல்ல எவரது வாழ்க்கையும்.

நேற்று நாசா வெளியிட்டுள்ள டெலஸ்கோப் இமேஜை வச்சுகிட்டு பலர் தனக்கேற்றவாரு எல்லோரும் உருட்ட ஆரம்பிச்சுட்டாங்க. இது ஒரு மிகப்பெரிய வளர்ச்சி, அது மற்றவைகளைப் புரட்டிப் போடப் போகிறதென.

என்னைப் பொருத்தவரை இது ஒரு அருமையான கண்டுபிடிப்பு. கம்ப்யூட்டர் வளர்ச்சி எவ்வாறு அனைத்து துறையினருக்கும் உதவியதோ, அது போல இதுவும் அனைத்து துறையினருக்கும் உதவக்கூடிய ஒன்றாக மாறலாம். ஒவ்வொருவருடைய தேடலும் அவரவரது தேவை, நம்பிக்கை, வாழ்வியல், வளர்ச்சி என தேவைப்படும் ஒவ்வொன்றுக்கும் இதிலிருந்து அவர்கள் எதை வேணுமானாலும் தேடி எடுக்கலாம். அத்தகைய கண்டுபிடிப்பாக இந்த பிரபஞ்சத்தின் ஒளிக்கற்றை நமக்கு ஒளி வீசட்டும்.

விஞ்ஞானம் அனைவருக்கும் சொந்தமானது. அவரவரது தேவைக்கேற்ப இதில் தேடிக்கொள்வார்கள்.

தடைகளை கண்டு அஞ்சாத எறும்பு போல் ஊர்வோம்.

வாழ்வினிது

ओलै सिरिय ।

¡Los inventos científicos son para todos!

நம் பணத்தின் மதிப்பு

25 வருடமுன்ன இங்க வரும் போது கையில ஒரு 200 டாலராவது எடுத்துகிட்டு வரனும்ன்னு கையில இருந்த அத்தனை பணத்தையும் துடைச்சி எடுத்து மும்பையில் டாலராக மாத்தினேன். அப்ப மார்க்கெட் ரேட் ஒரு டாலருக்கு 26 ருபாய். தாமஸ் குக் அவங்க கமிஷன் போக குறைவாகவே கொடுத்ததை வாங்கிட்டு வந்தேன்.

இங்கு வந்து ஏழெட்டு வருடம் கழித்து மிகவும் வேண்டிய ஒருத்தருக்கு ஒரு லட்ச ரூபாய் அனுப்பினேன். நான் கொடுக்க வேண்டிய பணம் அது, கொடுத்து விட்டேன். அப்ப கன்வர்ஷ்ன் ரேட் 40 ரூபாய் பக்கம். நான் அனுப்பிய தொகை 2500$. ஒரு நல்ல காரியத்திற்கு அனுப்பியது, ஆகவே அதை கணக்கு போடுவது சரியல்ல. அதைப் பற்றி விமர்சிப்பதும் சரியல்ல. நான் கொடுக்க வேண்டிய பணம்.

பின்னாடி சில வருடங்கள் கழித்து ஒரு டாலர் மதிப்பு 62-63 ரூபாய் ஆகி விட்டது. ஆனால் அப்பவும் அவர் அதைக் குறிப்பிடும் போது தான் ஒரு லட்சம் மட்டும் பெற்றதாகக் குறிப்பிடுவார். மறந்து போய் கூட 2500$ என சொல்லி விட மாட்டார். ஆக, அந்த 2500$ன் மதிப்பு இப்ப 1500$ ஆக குறைந்து விட்டது. நான் கொடுக்க வேண்டிய பணம் தான்.

இப்போது ஒரு டாலரின் மதிப்பு 80 ரூபாய் என காண்பிக்கிறது இன்று. ஆக, அந்த 2500$ன் மதிப்பு இப்ப 1250$ தான்.

இது தான் நம் பணத்தின் மதிப்பு. இதில் ஏற்ற தாழ்வு பார்ப்பது என்ன. பொருளாதாரம், பண மதிப்பு அறிந்தவன் தான் நான்.

அமைதியா இருப்பதில்

வாழ்வினிது

ओलै सिरिय ।

¡Valor del dinero!

எரி பொருள்

இப்பவெல்லாம் கெரசின்/மண்ணெண்ணை கிடைக்குதா அங்க? இப்ப நான் பார்த்ததெல்லாம் அங்கு பெரும்பாலும் கேஸ் ஸ்டவ் மற்றும் எலக்டிரிக் தான். தெரிந்து கொள்ள.

என் சின்ன வயசுல, ரேஷன் கடையில க்யூவில நின்னு அவங்க கொடுக்கிற வாரம் இரண்டு லிட்டர் வச்சு தான் வீட்டுல சமையல். இல்லாட்டி குமுட்டி தான். இதெல்லாம் அப்ப காஸ்ட்லியான ஐட்டங்கள். கிடைப்பதும் கஷ்டம். 

ஐந்து லிட்டர் கெரசின் ரேஷன்ல கிடைச்சுதுன்னா அம்மா முகத்துல அவ்வளவு சந்தோஷம் பார்ப்போம். அந்த வாரம் ஏகப்பட்ட பட்சணங்கள் பண்ணுவாங்க.

பெரும்பாலும் குளிக்க சுடு தண்ணிக்கு விறகடுப்பு தான். அதுல அம்மா சமைக்க விரும்ப மாட்டாங்க. கஷ்டம் கூட.

அஸ்ஸாம் போனப்ப தான் தனியாக சமைக்க வேண்டிய நிலை ஏற்பட்டு, முதல் முதலாக ஒரு திரி ஸ்டவ்வும், பம்ப் பண்ற ஸ்ட்வ்வும் வாங்கினேன். 

ஆனால் அதற்கு மண்ணெண்ணெய் கிடைக்காது. அஸ்ஸாமில் வெளி மாநிலத்திலிருந்து வந்தவருக்கு, வெளி மாநிலத்தவருக்கு ரேஷன் கார்ட் கிடையாது. தர மாட்டார்கள். அதுவில்லாமல் கெரசின் வாங்க முடியாது. ரேஷன் கடை தவிர மற்ற கடைகளில் கெரசின் கிடைப்பதும் அரிது. 

வேற வழியில்லாமல் அந்த ரேஷன் கடைக்காரர் கிட்டயே தெரிஞ்ச அரைகுறை இந்தியில் பேசி அவர் கொடுக்கிற விலைக்கு வாங்கி வந்து உபயோகித்திருக்கிறேன்.

கேஸ் அடுப்பெல்லாம் அப்ப தான் அறிமுகமாகி வந்த நேரம். முதலில் கனெக்‌ஷன் கிடைக்காது. அதற்கும் ரேஷன் கார்ட் கேட்பார்கள். விலையும் ரொம்ப ஜாஸ்தி. வாங்கிய சம்பளத்துக்கு வேலைக்காவது. மேலும் ஒரு ஆளுக்கு ஒரு சிலிண்டர் தேவையற்ற ஒன்று. குளிர்காலத்தில் அஸ்ஸாமில் குளிர் பின்னிரும். அப்ப வெந்நீர் சுடுதண்ணி இல்லாம ஒன்னும் வேலைக்காவாது. அதற்குத் தான் பெரும்பாலும் அதிகம் எரிபொருள் செலவாகும்.

மும்பை வந்த பிறகு கேஸ் அடுப்பு சுலபமாக கிடைத்து. இரண்டாவது சிலிண்டர் கிடைக்க அப்ப பெரிய கஷ்டம். ஒரு சிலிண்டர் தீர்ந்து போனால் வாங்க அடுத்த 45 நாட்கள் வைட் பண்ணனும். இன்னொரு சிலிண்டர் வைத்திருப்பவர்களுக்கு சமூகத்தில் ஸ்பெஷல் ஸ்டேட்டஸ் கிடைச்ச மாதிரி தான். அசாமில் ஒரு கேஸ் ஸ்டவ் வைத்திருந்தாலே அதுக்கு ஒரு தனி கௌரவம் அப்ப உண்டு.

இங்க வந்த நாள் முதல் எலக்ட்ரிக் ஸ்டவ் தான். வீடு, அபார்ட்மெண்ட்டோடு சேர்ந்தே வந்துரும். அணில் கடிக்காது. அதிகம் பிரச்சனை சந்தித்ததில்லை. மேலும் இங்கு ஒன்னு கிடைக்கலைன்னா அடுத்ததை நோக்கிப் போய்கிட்டே இருப்பாங்க மக்கள். அவரவர் வாழ்க்கை அவரவரது தேவைக்கேற்ப அமைத்துக் கொள்வர்.

வாழ்வினிது

ओलै सिरिय ।

¡Combustible para cocinar!

வரி வட்டி கிஸ்தி

வரி வட்டி கிஸ்தி

இங்கிருக்கிற பல மாநிலங்களில் அரசிற்கு சாலை போக்குவரத்து, பிரிட்ஜ், ferries மற்றும் இன்னும் சில வகைப் போக்குவரத்து துறைகளுக்கு எல்லாம் சேர்த்து பெரும்பாலும் வருடத்திற்கு 800 மில்லியனிலிருந்து 1 பில்லியன் வரை செலவாகுது. இது தான் ஒரு வருட அரசு போக்குவரத்து பட்ஜெட்டாகச் சொல்லுவார்கள். நாமும் இதை வெளிப்படையாகப் பார்க்கலாம். 

இதற்குப் பெரும்பாலும் நாம நம்ம வண்டிகளுக்குப் போடுகிற பெட்ரோல் டீசலிலிருந்து நாம போடற ஒரு கேலனுக்கு 2$ - 3$ வரை கட்டினால் அதில் 35 செண்ட்லிருந்து 70 செண்ட் வரை அரசுக்கு வருமானம் வரியாகக் கிடைக்கும். இதை வைத்து தான் நீங்க ரோட்டுல பார்க்கிற புது ரோடுகளும், புது பிரிட்ஜ் மற்றும் பழையதை புதுப்பிக்கிற வேலைகள் கிடைக்கும்.

முன்பெல்லாம் ஒரு கேலனுக்கு 20-25 மைல் வண்டிகள் ஓடிகிட்டு இருந்தப்ப, ஒருத்தர் வருடத்திற்கு 12000-15000 மைல் வரை கார் ஓட்டினால் அவர்களிடமிருந்து அரசுக்கு வருடத்திற்கு 220-250$ வரை வரி கிடைத்து வந்தது.

பிரசிடண்ட் ஒபாமா காலத்தில் வண்டிகள் குறைந்த பட்சம் 35 மைல் ஒரு காலனுக்கு கொடுக்கனும்ன்னு அரசு உத்தரவு வந்த பிறகு, இப்பவெல்லாம் மாநிலங்களுக்கு அந்த 220$ வருமானம் 160$க்கும் கீழே இறங்கிடுச்சு.

அடுத்து இப்ப எல்லோரும் ஹைபிரிட் மற்றும் எலக்ட்ரிக் கார்கள் வாங்க ஆரம்பிக்க, அரசுக்கு இப்ப வருமானம் அதிலிருந்து சுத்தமாக நின்று போய் விட்டது. அவர்களுக்கு பெட்ரோல் டீசல் தேவையில்லாததால்.

மேலும் இமிக்ரேஷன் டைட்டன் பண்ணியதில் இப்ப லேபர் கிடைப்பதில்லை. பல பிராஜக்ட்கள் தள்ளிப் போகுது, ரோடு மோசமாகிட்டிருக்கு, ரிப்பேர் பண்ண கால தாமதமாகுது.

இப்ப பட்ஜெட் பற்றாகுறையை எப்படி சமாளிப்பது. வேறெதிலிருந்து வரி போட்டு போக்குவரத்து துறைக்கு செலவளிப்பது. பல மாநில அரசுகளுக்கு இது இப்ப ஒரு தலையாயப் பிரச்சனை.

சில மாநிலங்களில் இவ்வாறு யோசிக்கிறார்கள். பெட்ரோல் டீசல் போடாத வண்டிகள் ஒரு மாதத்திற்கு எத்தனை மைல்கள் ஓடுதோ அதற்கேற்றவாறு வரி வசூலிப்பது என. இனி எலக்ட்ரிக் வண்டி வாங்கிட்டா எந்தப் பிரச்சனையுமில்லைன்னு நினைச்சு ஓட முடியாது ஓட்ட முடியாது.

வருங்காலத்தில் நாம வெறுங்காலில் நடந்தாலும் எவ்வளவு தூரம் நடக்கிறோம்ன்னு கணக்கிட்டு வரி போட வந்தாலும் வரலாம். வீட்டுலேயே உட்கார்ந்தாலும் வரி உண்டு.

நம் வாழ்க்கையை நாம் புரிந்து கொண்டு வரியற்ற ஒரு சமுதாயத்தை நாம் உருவாக்கும் போது

வாழ்வினிது

ओलै सिरिय ।

¡Pagar impuestos sinceramente!

வீட்டுப்பெண்கள் பேச்சைக் கேளுங்கள்

சின்ன வயசுல பள்ளிக்கூடம் போய்விட்டு சாயந்திரம் 4.30மணிக்கு வீட்டுக்குள்ள நுழையும் போதே இன்னிக்கு அம்மா பூரி மசால் பண்ணியிருக்காங்களா, பக்கோடா, பஜ்ஜி இருக்கா, இல்லாட்டி புளிமாவு அல்லது மோர்க்களி பண்ணியிருக்காங்களா அல்லது முள்ளு முருக்கு தட்டையாவது இருக்கான்னு எதிர்பார்த்தே வருவேன். குடும்பம் பெருசு, அம்மா ஏதாவது செய்து வச்சிருப்பாங்க. எதுவுமில்லைன்னா என்ர முகத்துல பசியில அம்புட்டு கோவமும் பிரதிபலிக்கும்.

இப்ப காலம் வேற.

அம்மிணிக்கு கோவிட் காலத்திலும் தினமும் வேலைக்குப் போயாவனும். சாயந்திரம் உள்ள நுழையும் போதே முகத்தில் பசியில் அவ்வளவு கடுகடுன்னு இருக்கும்.

வர்க் ஃப்ரம் ஹோம்ன்னு சொல்லிகிட்டு வீட்டுல  உட்கார்ந்துகிட்டு துன்கறவனுக்கும் சேர்த்தி இப்ப வந்து என்ன சமைக்கனும்ன்னு யோசிச்சு கிட்டு, இருக்கிற பசிக்கு எதைத் திங்கலாம்ன்னு ஒரு கொலைவெறியோட இருப்பாப்புல.

அம்மிணிக்குப் பிடிக்காத வேலை பாத்திரம் கழுவுற வேலை. அதை மட்டும் செய்ஞ்சு கொடுத்து ஓபி அடிச்சு ஓட்டிருவேன். லன்ச் டைம் மற்றும் கிடைக்குற காபி ப்ரேக் அப்பவெல்லாம் கொஞ்சம் கொஞ்சமா பாத்திரம் லோடு பண்ணி அம்மிணி வர்றதுக்குள்ள டிஷ் லோடு பண்ணிருவேன். இல்லாட்டி அந்த வெறுப்பும் உச்சி மண்டையில ஏறுச்சுன்னா செத்தோம். எப்படியெல்லாம் தப்பிப் பிழைக்க வேண்டியிருக்கு.

நேற்று வந்து படபடன்னு உள்ள நுழைஞ்ச ஆளு ஒவ்வொன்னா ஆரம்பிக்க மிக்ஸி வர்க் ஆவலை. தான் பிளான் பண்ணிய எல்லாம் ஆப்பு. அது என்னவா, ஒன்னுமில்லை. வெறும் அதுல தேங்காய்ச் சட்னி அரைச்சு வச்சா பழைய சாம்பர் இருக்கு, இந்த வீட்டுல உட்கார்ந்து துன்கிறவனுக்கு ஐஞ்சு தோசையை வார்த்துக் கொடுத்தா ஆச்சுன்னு நினைப்புல வந்தாப்புல, அதுக்கு ஆப்பு. மிக்ஸி போச்சு.

இருக்கிற அப்செட்ல கன்வெர்ட்டர் ஃப்யூஸ் போயிடுச்சான்னு நேராத் திருவி ஃப்யூஸ் எடுக்க ஆரம்பிச்சுட்டாப்புல. அரண்டு போயிட்டேன். விட்டா அப்பவே மிக்ஸியை பார்ட் பார்ட்டா கழட்டியிருப்பாப்புல.

படபடப்பா இருக்கிறவங்கிட்ட நிதானமாகப் பேசற பழக்கம் எனக்கு. ஏன்னா சேதாரம் கம்மி பண்ணிக்கனுமில்ல.

கவலைப்படாதே நான் திருச்சி ஶ்ரீரங்கத்திலிருந்து வந்த அந்த அருமையான தோசை இட்லி மிளகாய்ப்பொடியை வச்சு சமாளிச்சுக்கிறேன் டோண்ட் வொர்ரின்னு சொல்லி ஓட்டியாச்சு.

இன்னிக்கு காலையில வேலைக்குப் போகும் போது எல்லா ஸ்பேர் பார்ட்ஸும் எடுத்து வச்சு, சாயந்திரம் வர்றதுக்குள்ள சரி பண்ணி வையுன்னு ஒரு லிஸ்ட்டு கொடுத்துட்டுப் போயிருக்காப்புல.

ஒரு நாள் லீவுல சும்மா இருக்கலாம்ன்னா முடியலை. உழைக்கிற பெண்கள் கிட்ட சொன்ன பேச்சு கேட்டு நடந்துக்கங்கப்பா, சேதாரம் கம்மியாக இருக்கும்.

மிக்ஸியை சரி பண்ணிவிட்டு அமைதியாக காலை ஆட்டிக் கொண்டிருப்பதில்

வாழ்வினிது

ओलै सिरिय ।

¡Escuchar a las mujeres!

பொன்னியின் செல்வன் டீசர்

எல்லோரும் பொன்னியின் செல்வனைப் பத்தியே பேசறாங்க!

கடல்புறா மஞ்சளழகி படம் எப்ப வருமோ!

வரும் வரை காத்திருப்போம்.

பத்தாவது முடிப்பதற்குள்ளயே பொன்னியின் செல்வன், யவன ராணி, கடல் புறா எல்லா பாகங்களும் படிச்ச காலம் அது.

எனது அண்ணனுக்கும் என் தம்பிக்கும் வயது இடைவெளி ஒன்பது வருடங்கள். இரவில் எல்லோரும் ஒரே ஒரு சின்ன ரூமில் தான் ஒன்றாய் படுப்போம்.

தினமும் என் அண்ணன், என் தம்பிக்கு யவன ராணி கதையைச் சொல்லி அவனைத் தூங்க வைப்பான். நான் என் அண்ணன்ட்ட என்ன நீ இந்த காதல் கதையெல்லாம் இவனுக்கு சொல்லி தூங்க வைக்குற என்ன புரியும் இவனுக்குன்னா, இரண்டு பேரும் என்னை மடக்கிடுவாங்க. யவன ராணி முடிந்து கடல் புறா கூட கொஞ்சம் ஆரம்பிச்சான் அவனுக்கு.

என் தம்பி எனது அண்ணனின் முக எக்ஸ்பிரஷனை வாயப் பிளந்து பார்த்து கிட்டே தூங்கிடுவான்.

அது ஒரு காலம்.

வாழ்வினிது

ओलै सिरिय ।

¡Historias nocturnas!

நேற்று இந்த போஸ்டை என் அண்ணனுக்கு copy paste பண்ணி அனுப்பிச்சு, இது ஞாபகமிருக்கான்னு கேட்டேன்.

வெரி மச் ன்னு பதில் போட்டான். கூடவே பழசையெல்லாம் ஞாபகம் வச்சுருக்கயே நன்றின்னு எழுதியிருந்தான்.

நினைவுகள் புரண்டாடும் வயதில்

வாழ்வினிது

ओलै सिरिय ।

¡Viejos recuerdos!

ஸ்பானிஷ் கற்கும் பொழுதில் - 9

நேற்று ஸ்பானிஷ் கிளாஸ்ல ஒரு பிரசண்டேஷன் கொடுக்கனும். இதற்கு முந்தின வாரமே புரபசர் சொன்னாங்க, கூகிளாண்டவர் கிட்ட வரம் வாங்கிட்டு வராம சொந்தமாக எழுதிகிட்டு வந்து ப்ரசண்ட் பண்ணுன்னாங்க.

நானும் அதை உண்மைன்னு நம்பி சொந்தமாக எழுதிகிட்டுப் போய் செம சுமாராப் போனதால, ஏகப்பட்ட கதை வசனம் பாட்டு கேட்க வேண்டியதாகப் போச்சு. மத்தவங்கெல்லாம் கூகுளாண்டவர் உதவியில வெளுத்துக் கட்டிட்டாங்க.

வகுப்பு முடியிற நேரத்துல ஸ்பானிஷ் 3 அடுத்த மாசம் துவங்குதுன்னாங்க. நான் ஒரு ப்ரேக் எடுத்து ரிவைஸ் பண்ணிகிட்டு வர்றேன்னு சொன்னா, ஒட்டு மொத்தக் கிளாஸும் ஏகக்குரலில் உன்ர ரிக்வஸ்ட்டை வீட்டோ பண்றோம், ஒழுங்கா வந்து சேருன்னு ஏகோபித்த குரலில்.

நான் சொன்னேன், அவங்களைப் பாருங்க நாம ஸ்பானிஷ் 2ல உட்கார்ந்து கிட்டு இருக்கோம், அவங்க ஸ்பானிஷ் 5 லெவல்ல பேசிகிட்டு இருக்காங்கன்னா, கிளாஸே சிரிக்குது.

இப்பவெல்லாம் நான் கிளாஸ்ல ஏதோ சொன்னா கிளாஸே சிரிக்குது.

நேற்றைய கிளாஸில் ஸ்பானிஷில் 4 கேள்வி, எல்லாம் ஒரே கேள்விகள், கேட்கனும், மத்தவங்க பதில் சொல்லனும்.

புரபசர் ஆரம்பிக்கும் போது என்னை இப்பவெல்லாம் முதலில் களத்துல இறக்கி விட்டுடறாங்க. அவங்க என்னைக் கேப்பாங்க, அடுத்து நான் இன்னொரு கிளாஸ்மேட்டை ஸ்பானிஷ்ல கேட்கனும். அவங்க பதில் சொல்லனும்ன்னு.

முதல் கேள்வி: எந்த கடையில போய் துணி வாங்குவ? Bargain பண்ணுவையான்னு?

நான் இந்தக் கேள்வியைக் கேட்டப்ப, கிளாஸ்மேட் அவங்கப் போறக் கடையைச் சொன்னாங்க. யப்பான்னேன், எல்லோரும் சிரிக்கறாங்க.

Bargain பண்ணுவயான்னு கேட்டா, நல்லா பண்ணுவேன்னாங்க. என்ன கதையடிக்கிற அந்த கடையில வேலைக்காவாது, நீ ரொம்பவே ரீல் விடறன்னா, கிளாஸே சிரிப்புல அதிருது.

கடைசியல புரபசர், இவனை இரண்டு நிமிசத்துல நாலு கேள்வியைக் கேட்டு முடிப்பான்னு பார்த்தா 5 நிமிஷத்துக்கு இழுத்தடிக்கிறானேங்கிறாங்க. நம்ம ஓட்ட வாய் எங்கப் போனாலும் சும்மா இருக்க மாட்டேங்குது.

ஸ்பானிஷ் 1ல சேரும் போது 20 பேர் இருந்தோம். முடிக்கும் போது 13 பேர் தானிருந்தோம். ஸ்பானிஷ் 2 துவங்கிய போது 14 பேர் துவங்கினோம் இப்ப எட்டு பேரோட நிக்குது. 

நான் ஸ்பானிஷ் 2 லெசன் 3 அண்ட் 4ஐயே மூனு நாலு தடவை திருப்பி படிச்சு கிட்டு இருக்கேன். மனசுல நிக்க மாட்டேங்குது. ஒவ்வொரு லெசன்லையும் 70-80 புதுப்புது வார்த்தைகள். இப்ப கடைசி லெசன் 6 ஓடுது. நான் இன்னும் 3,4,5ஐயே திருப்பித் திருப்பி படிச்சு கிட்டு இருக்கேன். 

ஒரு ப்ரேக் எடுத்தா நல்லாயிருக்கும். புரபசர் என்னமோ, நீ ஆரம்பத்துல எப்படியிருந்த இப்ப எவ்வளவு கத்துகிட்டு இருக்க, ஸ்பானிஷ் 3க்கு நீங்க எல்லோருமே ரெடி, வந்து சேருங்கன்னு ஒட்டு மொத்த கிளாஸும் சொல்லுது.

மேலும் இந்த புரபசர் இங்க ஊர்ல உள்ள ஒரு சர்ச்சில் வாரா வாரம், ஸ்பானிஷ் மட்டுமே தெரிந்துள்ள சின்னப் பசங்களுக்கு ஆங்கிலம் சொல்லித் தர்றாங்க. நீங்கெல்லாம் அங்க வாலண்டியரா வாங்க, வாரத்தில் ஒரு நாள் நீங்க அவங்களுக்கு ஆங்கிலம் சொல்லித் தாங்க, அவங்க ஸ்பானிஷ் மட்டுமே பேசறதை வச்சு நீங்க ஸ்பானிஷ் கத்துக்கலாம். உங்களுக்கும் நல்லது அவங்களுக்கும் நல்லதுன்னாங்க.

புரபசர் சொல்லி முடிக்கிறதுக்குள்ளயே அம்புட்டு பேரும் கையைத் தூக்கிட்டோம். அதுவும் அடுத்த மாசம் சர்ச்சுல துவங்குது.

என்ர அம்மிணி கிட்ட இன்னும் ஒன்னும் சொல்லலை. வீட்டுல ஒரு வேலை நடக்க மாட்டேங்குது, நீ பாட்டுக்க இப்படி சுத்தறயேம்பாங்க. அம்மிணி கிட்ட வீணை கத்துக்க புதுசா 3 பேர் வந்துருக்காங்க. 

அம்மிணியோட பழைய ஸ்டூடண்ட் கிட்ட நாலு வருஷம் முன்ன, அந்தப் பொண்ணு எட்டாவது படிக்கும் போது சொன்னேன். நல்லா தினமும் பிராக்டீஸ் பண்ணு, என்ர அம்மிணி போல பெருமாள் கோவில் ஏகாந்த சேவைக்கு வீணை வாசிக்கலாம்ன்னு. அந்த பொண்ணு இப்ப ஏகாந்த சேவைக்கு தானும் வாசிக்கனும்ன்னு அம்மிணியோட தனி ப்ராக்டீஸ் ஆரம்பிச்சுருக்கு. போன மாத ஏகாந்த சேவைக்கு அம்மிணி கூட கோவிலில் வாசிச்சுது அந்த பொண்ணு. நமக்குத் தெரிஞ்சது எடுபுடி வேலை மட்டுமே. இரண்டு வீணையையும் ஒரே ஸ்பீக்கர்ல கனெக்ட் பண்ணி விட்டு நிம்மதியாக வாசிச்சாங்க.

அம்மிணியும் busy நானும் busy . 

வாழ்வினிது

ओलै सिरिय ।

¡Aprendo a hablar en español!

ஸ்பானிஷ் கற்கும் பொழுதில் - 8

எப்போதும் செடி கொடிகளை ட்ரிம் பண்ணித் தர்ற ஆளைக் கூப்பிட்டேன். என் ஃபோன் காலை இன்னிக்கு எடுக்காத ஆளு, எப்போதும் ஆங்கிலத்தில் ஒன்னு இரண்டு வார்த்தையோட பதில் சொல்ற ஆளு ஃபோன் எடுக்காம இன்னிக்கு எனக்கு உடனே ஸ்பானிஷ்ல மெசேஜ் அனுப்பினான்.

Te llamo más tarde! ன்னு. 

படிச்சவுடனே டக்குன்னு புரிஞ்ச மாதிரி இருந்துச்சு, சரி நாளைக்கு வர்றேன்னு சொல்றாப்புலன்னு நினைச்சேன்.

போன கிளாஸ்ல தான் direct object pronouns பத்தி படிச்சதால இதை கூறு போட்டு பார்ப்போம்ன்னு நினைச்சேன்.

Me llamo ன்னு சொல்லாம இவன் ஏன் te llamo ன்னு சொல்றான்னு ரொம்பவே குழம்பிடுச்சு. கிராமர் ஒத்து போகலையே என்ன பிரச்சனைன்னு நினைச்சேன்.

Me ன்னா நான், te ன்னா நீ/உன்னை யாச்சேன்னு குழம்பிப் போச்சு. Más tarde க்கு அர்த்தம் தெரியும், அதுல குழப்பமில்ல.

ஸ்பானிஷ் ட்ரான்ஸ்லேட்டர்ல போட்டவுடனே அது கரெக்டா சொல்லிருச்சு.

இன்னிக்கு என்ன மதுரைக்கு வந்த சோதனை இப்படியாயிடுச்சு. ரொம்ப ரொம்ப சிம்பிள் sentence, ஆனால் குழப்பிடுச்சு.

நீண்டதொரு பயணம் தான் இது

தொடர்வதில் 

வாழ்வினிது

ओलै सिरिय ।

¡Sentencia confusa!

விஞ்ஞானம் எல்லோருக்கும் பொதுவானது

1986ல் திருச்சி ஜோசப் கல்லூரியில் கம்ப்யூட்டர் கோர்ஸ் படிக்க உள்ள நுழைஞ்ச போது எனக்கு 22 வயது. இது வரை படித்துப் பெற்ற பட்டங்களை வச்சு வேலை வாங்குறது கஷ்டம், இனி வருங்காலம் கம்ப்யூட்டர் கையில் தான்னு புரிய ஆரம்பிச்சு அதுல எப்படியாவது சேர்ந்து படிக்கனும்ன்னு ஒரு புரபசர் உதவியோட மாலை நேரக் கல்லூரியில் கம்ப்யூட்டர் படிக்க ஆரம்பிச்சேன்.

கல்லூரியில் நாலு dumb terminals, கம்ப்யூட்டர்ல இருந்த மெமரி 16kb தான். வாரத்தில் இரண்டு நாள் 40 நிமிஷம் கம்ப்யூட்டர் முன் கிடைக்கும், அந்த குறுகிய நேரத்திற்குள் நாம எழுதிகிட்டுப் போன ப்ரோக்ராமை பன்ச் பண்ணி, error proof பார்த்து ஓட வைக்கனும். அங்க போய் புதுசா எழுத நேரமில்லை. அப்படி எழுதி கத்துகிட்டது தான் basic, cobol, fortran. Pascal பின்னாடி கத்துகிட்டேன். தஞ்சை LIC போனப்ப அவங்க punched card system reader வச்சுகிட்டு ஓட்டிகிட்டு இருந்தாங்க.

காலை நேரத்துல அப்ப இருந்த அரசியல் உணர்வோடு வங்கி வாசல்லையும் இன்சூரன்ஸ் கம்பெனி வாசல்லையும் போயி, வங்கிகளிலும் இன்சூரன்ஸிலும் கம்ப்யூட்டரைப் புகுத்தாதே வேலை வாய்ப்பைப் பறிக்காதேன்னு கத்திவிட்டு வருவேன்.

மாலை நேரத்துல உட்கார்ந்து கம்ப்யூட்டர் சயின்ஸ், ப்ரோக்ராம் படிப்பேன். படிக்கும் போது தான் இந்த விஞ்ஞான வளர்ச்சி எப்படியெல்லாம் உதவப்போகிறதுன்னு புரிய ஆரம்பிச்சுச்சு.

என்னோட இந்த காலை மாலை முரணான இரட்டை நிலையை நினைச்சு ரொம்பவே யோசிக்க ஆரம்பிச்ச காலம் அது. வயசும் 22 தான். எல்லாவற்றையும் ஒரேயடியாக புரிஞ்சுக்கிற வயதல்ல. இருப்பினும் விஞ்ஞான வளர்ச்சியை குறை சொல்ல மற்றும் தடுக்கக் கூடிய சக்தியாக எனது செயல் இருந்ததை நினைத்து வருந்தியது உண்டு.

இப்ப இந்த 35 வருட வளர்ச்சியில் பார்த்தால் கம்ப்யூட்டர் உள்ளே நுழையாத ஒன்று கூட இல்லை என்று சொல்லலாம். Arts, literature, medical, astronomy, ஆன்மீகம், archaeology, architecture, science, biology, chemistry, veterinary, history and geography, கம்யூனிகேஷன் என எல்லாயிடத்திலும் கம்ப்யூட்டர், அது உள்ளே புகாத இடமே கிடையாது இப்ப. அதன் மூலம் எந்த ஒரு நாடும் அடைந்த வளர்ச்சி மிக அதிகம்.

சிலர் எழுதுகிறார்கள்: ஆர்ட்ஸ், literature, கவிதையெல்லாம் எழுதிகிட்டு இருக்கிறவனுக்கு விஞ்ஞானத்தைப் பத்தி ஒன்னும் தெரியாதுன்னு. ரைட்டு. அது அவர்கள் ஒபீனியன். நடைமுறையில் அதுவல்ல எவரது வாழ்க்கையும்.

நேற்று நாசா வெளியிட்டுள்ள டெலஸ்கோப் இமேஜை வச்சுகிட்டு பலர் தனக்கேற்றவாரு எல்லோரும் உருட்ட ஆரம்பிச்சுட்டாங்க. இது ஒரு மிகப்பெரிய வளர்ச்சி, அது மற்றவைகளைப் புரட்டிப் போடப் போகிறதென.

என்னைப் பொருத்தவரை இது ஒரு அருமையான கண்டுபிடிப்பு. கம்ப்யூட்டர் வளர்ச்சி எவ்வாறு அனைத்து துறையினருக்கும் உதவியதோ, அது போல இதுவும் அனைத்து துறையினருக்கும் உதவக்கூடிய ஒன்றாக மாறலாம். ஒவ்வொருவருடைய தேடலும் அவரவரது தேவை, நம்பிக்கை, வாழ்வியல், வளர்ச்சி என தேவைப்படும் ஒவ்வொன்றுக்கும் இதிலிருந்து அவர்கள் எதை வேணுமானாலும் தேடி எடுக்கலாம். அத்தகைய கண்டுபிடிப்பாக இந்த பிரபஞ்சத்தின் ஒளிக்கற்றை நமக்கு ஒளி வீசட்டும்.

விஞ்ஞானம் அனைவருக்கும் சொந்தமானது. அவரவரது தேவைக்கேற்ப இதில் தேடிக்கொள்வார்கள்.

தடைகளை கண்டு அஞ்சாத எறும்பு போல் ஊர்வோம்.

வாழ்வினிது

ओलै सिरिय ।

¡Los inventos científicos son para todos!

டெக்னிகல் தமிழ்

பையன் இரண்டு வாரம் முன்ன ஒரு பேஷண்டை எமர்ஜென்சி வார்டுக்கு ட்ரான்ஸ்போர்ட் பண்ணியிருக்கான். போற வழியில அந்தப் பேஷண்ட்டுக்கு தமிழ் மட்டும் தான் தெரியும்ன்னு தெரிஞ்சு போச்சு இவனுக்கு.

இவனுக்கு தமிழ் அரைகுறை வேற. எமர்ஜென்சி டாக்டருக்கு அந்த பேஷண்ட் சொல்லறது புரியலை. பையன் இரண்டு பேருக்கும் நடுவுல mediator வேலைப் பார்த்துருக்கான் கொஞ்ச நேரம்.

இதை இரண்டு நாள் கழிச்சு என் கிட்ட சொன்னான். அப்பா அவர் தமிழில் ரொம்ப டெக்னிகலாகப் பேசறார்ப்பான்னான். ஒன்னும் புரியல. அப்புறம் கையில தொட்டு காண்பிச்சு எங்க வலின்னு கண்டுபுடிச்சு டாக்டர் கிட்ட சொன்னேன்னான்.

அப்படி என்னடா டெக்னிகலா சொன்னார்ன்னேன்.

அப்பா அவர் கல்லீரல்ல வலிக்குது கல்லீரல்ல வலிக்குதுங்கிறார். கல்லீரல்ன்னா என்னப்பான்னான்.

இப்ப நான் அவுட்டு. கல்லீரல்ன்னா என்னன்னு மறந்து போச்சு. அது gall bladder ஆ, pancreas ஆ, லிவர்ரான்னு மறந்து போச்சு. பையன்ட்ட பார்த்து சொல்றேன்டான்னேன்.

தேவையேயில்லை. நாங்களே கண்டுபுடிச்சு தேவையான ட்ரீட்மண்ட் கொடுத்தாச்சு, விடுன்னு போயிட்டான். அவருக்கு வேற ப்ராப்ளம்பா விடுன்னு போயிட்டான்.

நமக்கு படிச்சது மறக்காமலிருந்தால்

வாழ்வினிது

ओलै सिरिय ।

¡Técnico tamil!

எல்லோருக்குமே ஒரு அமெரிக்கா

இங்கு பிற நாடுகளிலிருந்து வந்து குடியேறி ஒரு அமெரிக்கப் பிரஜையாவதற்கு பல வருடங்கள் ஆவும். பெரும்பாலோருக்கு அது ஒரு கடினமான பாதை.

ஒரு உள்ளூர் பெண்மணி ஒரு மேடையில் ஒரு தடவை இதைச் சொன்னாங்க:

அமெரிக்கா வந்து செட்டில் ஆகும் பல நாட்டு மைந்தர்கள் குடிமகன்கள் அவர்களது நாடுகளில் தங்களால் சுதந்திரமாய்ச் செயல்பட முடியாமல், பல்வேறு இன, மத, அரசியில், பொருளாதாரச் சூழ்நிலை, போர், சர்வாதிகாரம், அடக்குமுறை, மேற்கல்வி என பல்வேறு வகையான துன்பங்களினால் அதிலிருந்து விடுபட்டு, தேவை எதிர்பார்ப்புகளோடு, தாங்கள் அநுபவித்த கஷ்டங்களிலிருந்து விடுபட்டு, இங்கு வந்து சுதந்திரமாய் தங்கள் விருப்பப்படி வாழ விரும்புகிறார்கள். அதற்காக வருகிறார்கள். அவர்களுக்கு அங்கு அவர்கள் நாட்டில் எதை அநுபவிக்க முடியவில்லையோ, அதை இங்கு அநுபவிக்க முடியும் என்று கருதி வருகிறார்களோ, அதற்கான முழுச் சுதந்திரத்துடன் இந்த நாட்டின் constitution மற்றும் சட்ட திட்டங்கள் உலகிலிருந்து வரும் எந்த ஒரு நாட்டு மக்களுக்கும் அவர்கள் துயர் துடைப்பது மட்டுமல்ல, அவர்கள் விருப்பப்படி இங்கு சுதந்திரமாக வாழ வகுத்துக் கொடுத்துள்ளது. அதைப் பேண வேண்டும். இங்கும் அவர்கள் உரிமையைப் பறிக்கக் கூடாது.

She also said: some people want to live in certain way and it’s not possible to live that way in their country. When they land here they get all those opportunities and at the same time they get the liberty to follow their own habits and including prejudices. We have to let it go as long it doesn’t affect other person’s freedom and personal life.

மேலே உள்ளது அந்தப் பெண்மணி கூறியது. மேலும் நாம் இந்த நாட்டின் பிரஜையாக உறுதி மொழி எடுக்கும் போதும் அமெரிக்க அரசின் ஒரு வீடியோ செய்தி கூட இதை வலியுறுத்துவதாக இருக்கும்.

ஆனால் இப்போது நம் போல் உள்ள சில இந்திய வம்சாவளி அமெரிக்கர்கள் இங்கு குடியுரிமை பெற்ற பின், அவர்களது பேச்செல்லாம், நமது முந்தைய குடியுரிமை நாடுகளின் மிச்ச சொச்சங்களை இங்கு கொண்டு வருபவர்களுக்கு, இனி விசா கொடுக்கக் கூடாது, குடியுரிமை கொடுக்கக் கூடாது, கொடுத்தவற்றை திருப்பி எடுத்துக் கொள்ள வேண்டுமென்றெல்லாம் அடித்து விடுகிறார்கள்.

இவர்கள் பேசுவதற்கும் மேலே கூறியுள்ள இங்கு பிறந்து வளர்த்துள்ள அமெரிக்கப் பெண்மணியின் கூற்றுக்கும் எவ்வளவு பெரிய வித்தியாசம். அமெரிக்கா எதிர்பார்ப்பது தனது பழைய நாட்டின் மீதான விசுவாசத்தை அவர்கள் விட வேண்டுமென. அந்த விசுவாசத்தை வைத்துக் கொண்டு இந்த நாட்டிற்கு துரோகம் செய்யக் கூடாதென.

அமெரிக்க குடியுரிமை வேண்டுபவர்கள் மற்றும்   அதைப் பெற்று வாழ்பவர்களெல்லாம் அமெரிக்க constitution மற்றும் அதன் சட்டதிட்டங்களுக்கு உட்பட்டு வாழ்ந்தாலேப் போதும்.

இரண்டு நாள் முன் இது என் தம்பி எழுதியது:

Many Indians came to this country with almost nothing. They worked hard and became richer than white Americans. Life is all about opportunities not your skills or brain. You might be super smart but if you don't have opportunities,  you can't come up. Some of the Indian Americans have super ego  that  they think we would have come up in any country. You are right. Go back to India.  India needs your brain power not America. Don't be a traitor to two different countries at the same time.

அப்போது அவன் கூற்று எனக்கு கொஞ்சம் ஓவராக இருப்பதாக உறுத்தியது. அவனைப் போல் நான் எவரையும் திரும்பிப் போ என்று சொல்ல மாட்டேன்.

மக்களின் உணர்வுகளைப் புரிந்து கொண்டு அவர்களை அவர்களாகவே ஏற்றுக் கொண்டு வாழக் கற்றுக் கொள்ளுங்கள் என்பது தான். தனக்கு நல்வாழ்க்கை கிடைத்து விட்டது, ஆனால் மற்றவர்களது எண்ணங்கள் நம்மோடு சரிவர ஒத்து வராததால் திரும்பிப் போ, விசா கொடுக்கக் கூடாது, கொடுத்ததைப் பறிக்கனும் என்று சொல்வதெல்லாம் ஒரு குறுகிய பார்வை.

இந்தப் பதிவை ஒரு generalized போஸ்டாக முடித்துக் கொள்கிறேன். தாய் மொழி பேசுவது, உன் மொழியை இங்க பேசற, மொழி சார்ந்த சங்கங்கள் நடத்துற என, மற்றும் நம் குழந்தைகளின் மொழிப் பற்று பற்றியெல்லாம் தொடர்ந்தால் இன்னும் போஸ்ட் பெரிதாகப் போகும்.

அனைவரையும் ஒன்றாய் அமெரிக்காவில் வாழ விடுங்கள்.

அமெரிக்கா உருவான வரலாற்றைப் புரிந்து கொண்டு வாழ்ந்தால்

வாழ்வினிது

ओलै सिरिय ।

¡Estados Unidos dice que es para todos!

வசை பாடும் உலகில்

எப்போதும் எதையாவது வைத்து வசை பாடுபவர்கள் மத்தியில் புழங்கும் போது நாமும் அத்தகையவர்களின் வசைபாடலுக்கு இலக்காவது /இரையாகுவது மிகவும் எளிது.

நாமும் வசை பாடப்படும் பொருளே! என்றாவது ஒரு நாள் அதற்கு இரையாகத் தான் போகிறோம்.

நீதிநெறிகளை சிறுவயதிலிருந்தே போதித்தவர்கள் இந்த வசைபாடலும் இழிவான செயல் என்று மேலும் அழுத்தி போதி்த்திருக்க வேண்டும்.

எவரையும் ஜாதி, மத, இன, அரசியல் சார்பு, gender, வயது, நிறம் ஒட்டியெல்லாம் பிரித்துப்பேசுவது, ஓரங்கட்டுவது, வசை பாடுவதெல்லாம் எவர் செய்தாலும் வருந்தத்தக்கதே. இதைச் செய்ய விரும்பாமல் ஒதுங்கி இருப்பவர்களையும் வசைபாடுவதெல்லாம் அளவுக்கு மீறிய செயல்.

நான் எப்போதும் சொல்வது தான்: ஜனநாயக உரிமைகளை அத்துமீறி உபயோகிக்கும் போது எல்லோருடைய ஜனநாயக உரிமைகளும் பறிபோய் சர்வாதிகாரமும் எதேச்சாதிகாரம் மட்டுமே எஞ்சி நிற்கும். பொதுவெளியில் ஒதுங்கி நிற்கிற சூழ்நிலை ஏற்படும்.

இழப்பு அனைவருக்குமே!

இதை உணர்ந்தால்

வாழ்வினிது

ओलै सिरिय ।

¡Sé amable y amable!

கார் சர்வீஸ் கூப்பன்

சில வருடங்கள் முன் கார் வாங்கும் போது அவங்க ஒரு கார் சர்வீஸ் கூப்பன் புக்கும் வாங்கிக்க, ரொம்ப பயனுள்ளதாக இருக்கும்ன்னு தலையில கட்டிட்டாங்க. 1200-1300$ பாக்கேஜ் அது. எல்லா கார் டீலர்ஸும் இந்த கூப்பன் வாங்கிப்பாங்கன்னு அவங்க சொன்னதால வாங்கினேன். ஏன்னா ஒவ்வொரு தடவையும் ஆயில் சேஞ்ச் பண்ண இவ்வளவு தூரம் வரமுடியாது.

அப்ப 50$க்கு இருந்த ஆயில் சேஞ்ச் எல்லாம் இப்ப 80$-90$ ஆயிடுச்சு. 

வேற ஒரு ஊர்ல கார் வாங்கினேன். எப்போதும் வீட்டு பக்கத்துல இருக்கிற டீலர்ஷிப்ல தான் சர்வீஸுக்குப் போவேன். ஒவ்வொரு தடவையும் கார் வாங்கின இடத்துக்குப் போனால் gasoline விலையே இந்த கூப்பனை விட அதிகமாகும். முன்னாடி இந்த கூப்பனை வாங்கிக் கிட்ட லோக்கல் டீலர் கடந்த ஒரு வருடமாக வாங்க மாட்டேங்குறாங்க. அவங்களுக்கு இந்த கூப்பன் பணத்தை கலக்ட் பண்ண இருக்கிற நடைமுறை புரசீஜர்ஸ் அதிகமாக இருப்பதை வச்சு இங்க வாங்கத் தயங்குறாங்க.

அதற்கு நான் என்ன செய்ய முடியும். நான் கட்டியுள்ள பணமே யானை அளவு. இந்த கூப்பன் ஆயில் சேஞ்ச், டயர் ரோடேஷன், ப்ரேக் க்ளீனிங் எல்லாம் கவர் பண்ணனும். ஆனால் இருக்கிற விலைவாசி ஏற்றத்தில் இந்த விலைக்கு இவங்களால் செய்யவும் முடியாது.

ஒவ்வொரு தடவையும் சலிச்சுகிட்டே இந்த கூப்பனை வாங்கிப்பாங்க. நமக்கும் அவமானமாக embarrassing ஆக இருக்கும். கூப்பன் கம்பெனி 67$ தான் கொடுத்துகிட்டு இருந்தான். ஒவ்வொரு தடவையும் நான் எக்ஸ்ட்ரா 30-40 கட்டுவேன். அவங்களும் விருப்பமில்லாமல் செய்வார்கள்.

இன்றும் கார் சர்வீஸ் போனப்ப, அந்த கூப்பன் வாங்க மாட்டேன்னாங்க, எல்லா டிராமாவும் பண்ணாங்க. பொறுமையாகவே ஒவ்வொரு தடவையும் மாதிரி பொறுமையாகவே பதில் சொல்ல வேண்டியதாகப் போச்சு.

முதலில் மாட்டேன்னவங்க, பின்னாடி இதுல 30$ தான் கிடைக்கும் மீதி 50-60 நான் கட்டனும்னனாங்க. இதுல இதுவரை 67$ வந்துச்சு மீதியை நான் கட்டறேன்னேன். அதலாம் முடியாதுன்னாங்க.

பொறுக்க முடியலை. அமைதியாகவே சொன்னேன்: இந்த கார் கம்பெனியோட ஹெட்க்வார்ட்டர்ஸ்க்கு இப்ப நான் போன் பண்ணி கேக்கப் போறேன். இது மாதிரி பாக்கேஜ் விற்கிறாங்க, ஆனால் இதை மற்ற இடத்தில் ஏற்க மாட்டேங்குறாங்க. இது அநியாயம்ன்னு சொல்லப் போறேன்னேன்.

அவ்வளவு தான், அவங்க தொணி இறங்கிடுச்சு. சரி் கூப்பன் கொடுங்க நானே பார்த்துகிறேன்னு கூப்பனை வாங்கிக் கிட்டாங்க.

சர்வீஸ் வைட்டிங் ரூம் போவதற்கு முன், மறுபடியும் அவங்க கிட்ட கொஞ்சம் ஸ்ட்ரிக்ட் தொணியிலேயே, do you want me to talk to this service plan company right now?ன்னேன். இல்லையில்ல நானே பேசிக்கிறேன்னு வாங்கிக் கிட்டாங்க.

வைட்டிங் ரூம் பக்கத்தில், கவுன்ட்டர்ல, டீலர்ஷிப்பின் பெரிய சூபர்வைசர் அல்லது மானேஜரைப் பார்க்கனும்ன்னேன். பிரச்சனைகளைச் சொன்னேன். அவங்க பார்க்க விடலை. சரி, கார் ஹெட்க்வார்ட்டர்ஸ்க்கு கால் பண்ணிக்கிறேன்னு போய் உட்கார்ந்துட்டேன்.

இதுல மனசைப் போட்டு அலட்டிக்காம, மீறிப்போனா என்ன 100$ தானே கட்டனும் விடு, இதுக்கு எதுக்கு அலட்டிக்கனும்ன்னு ஸ்பானிஷ் நோட்ஸ் எடுத்துப் படிக்க ஆரம்பிச்சுட்டேன். மனசு ரொம்பவே அமைதியாயிடுச்சு.

ஆனால் அவங்க மனசு நிம்மதியாவலை போலிருக்கு. அந்த சர்வீஸ் மேனேஜரே வந்து, நாங்களே அந்த கூப்பன் கம்பெனியோட பேசிட்டோம். இந்த கூப்பன் வேறு சிலவற்றையும் கவர் பண்ணனும், அது உனக்குத் தேவையில்லை, ஆகவே அவங்க முழுப்பணம் கொடுக்கறேன்னுட்டாங்கன்னாங்க.

நம்ம மனசு இன்னும் நிம்மதியாயிடுச்சு. கடைசியில காரை வாங்கும் போது அவங்களே சொன்னாங்க, அந்த கூப்பன் உனக்கு 106$ கொடுத்திருக்கு, அவங்க இதுவரை இவ்வளவு கொடுத்ததில்லையாம், மத்த சர்வீஸுக்கு ஃபில்டர் மாற்றியதற்கு மட்டும் 68$ கட்டிட்டுப்போன்னு சாவியைக் கொடுத்தாங்க.

ஆச்சரியமாக இருந்துச்சு. முடியாதுன்னவங்க, 30$ மட்டும் தான்னவங்க, அவங்களேப் பேசி 106$ வாங்கியிருக்காங்க.

இதுக்கெதுக்கு ஒவ்வொரு தடவையும் நம்மளை சஞ்சலப்படுத்தனும்ன்னு தெரியலை. நம்ம ராசிபலன் அப்படி. 

ராசிபலன் சரியாக வேலை செய்வதால் இயல்பாக இயங்க முடிவதில்

வாழ்வினிது

ओलै सिरिय ।

¡Servicio de coche!

மகனுடன் பயணிப்பதில் ஒரு சுகம்

பையன் இப்ப பார்ட் டைம் வேலையில நிறையவே சம்பாதிக்க ஆரம்பிச்சுட்டான். உங்க இரண்டு பேருக்கும் என் முதல் சம்பளத்துல ஏதாவது வாங்கனும்ன்னான். எல்லோருடைய வாழ்க்கையிலும் அம்மா தான் முதல்ல இருக்கனும், எவ்வளவு பிரச்சனையிருந்தாலும், அதுவரைக்கும் என் பக்கமே வராதேன்னுட்டேன். உன்னோட பழசை(ஓரிரு தடவை போட்டதே)யே எனக்கு எல்லாம் புதுசாயிருக்கு எனக்கெல்லாம் 10$க்கு மேல ஒன்னும் வாங்கக் கூடாதுன்னேன். இது நடந்து நாலைந்து மாதம் மேலேயிருக்கும்.

தன் முதல் சம்பளத்துல தன் அம்மாக்குப் பெருசா ஒன்னு வாங்கினான். என் கிட்ட மட்டும் சொல்லியிருந்தான். ஆனால் அம்மிணி அவன் அக்கௌண்ட்ல பெரிய செலவைப் பார்த்து செமையா ஆட்டம் ஆடிட்டாப்புல. அதகளமா அதிரடியாத் தெரியலை. ஏதோ கேர்ள்ப்ரண்ட் புடிச்சுட்டான்னு இரண்டு நாள் என்னை உருட்டித் தள்ளிட்டாப்புல. என்ன சொல்ல, உருட்டல்ல நல்ல தேங்காய் துவையலாச்சு.

அம்புட்டு பணம் போன பிறகு, அவன் மறுபடியும் சம்பாதிக்க நேரமானதால மூனு மாசம் பேசாம இருந்தான். இந்த தடவை ஃபாதர்ஸ்டேக்கு ஊருக்கு வர்றேன்னு சொன்னவன் தந்தையர் தினத்துக்கு விஷ் கூட பண்ணலை. நாமளே போன் பண்ணி ஹலோ சொல்ல வேண்டியதாப் போச்சு.

ஆனால் இந்த தடவை அவனும் அவன் அம்மாவும் ஏதோ குசுகுசு கிசுகிசு அடிக்கடி பேசிக்க, ஏதோ வாங்கியிருக்கான்னு புரிஞ்சு போச்சு. ஃபாதர்ஸ் டே முடிஞ்சு இரண்டு நாள் கழிச்சு வந்தான். அவன் வந்தன்னிக்கு ஒரு பார்சல் வந்தது. அந்த பார்சலை அவன் வர்ற வரைக்கும் பிரிக்கக் கூடாதுன்னு மிரட்டல் வேற.

வந்து, பார்சலைப் பிரிச்சு, எடுத்து கையில மாட்டிவிட்டு, இதுல பின்னாடி என்ன எழுதியிருக்குப் பாருன்னு வேற பிரிச்சுக் காண்பிச்சான். ஒரே கட்டித் தழுவல்ல உச்சி குளிர்ந்து போச்சு. 

இன்னிக்கு, அது கையில லூசாக இருக்கு, டைட் பண்ண mallக்கு எடுத்துப் போய் belksல டைட் பண்ணி கொடுக்கச் சொன்னேன். அவங்க, நான் இந்த வாட்ச் கம்பெனியில் டைரெக்டாக வேலை செய்யுற ஆள், இது ஸ்பெஷல் ஆர்டர் போல இருக்கு, கடைகளில் கிடைக்காதுன்னாங்க. வாட்ச் பின்னாடி எழுதியிருப்பதைப் படிச்சு அவங்களும் உச்சி குளிர்ந்துட்டாங்க. டைட் பண்ணி கொடுத்ததற்கு பணம் எதுவும் வாங்கிக்க மாட்டேன்னுட்டாங்க.

Thank you for always being on my side Appa!

¡Gracias por estar siempre de mi lado padre !

அவனுடன் பயணிப்பதில் இனியதொரு தருணம்.

வாழ்வினிது

ओलै सिरिय ।

¡Reloj!

பசங்களுக்குப் பேசத் தெரியுது

இந்தப் பசங்களுக்கு முளைக்கும் போதே அம்மாட்ட எப்படி பேசனும் அப்பாட்ட எப்படி பேசனும்ன்னு நல்லாத் தெரிஞ்சு வச்சுருக்கானுங்க.

இப்ப அவன் அம்மாட்ட போன் பண்ணி நடக்கிறதை அப்படியே சொல்லியிருக்கான். அம்மிணி அவனைப் போட்டு குடைஞ்சதுல பொறுமையாகவே பதில் சொல்லியிருக்கான்.

அப்புறம் எனக்கு ஃபோன் பண்ணி அதே நிலவரத்தை எனக்கும் சொல்லிட்டு, அம்மாக்கு இயர்எண்ட் வொர்க் ஜாஸ்தி இருக்கு போல அப்பா, அம்மாவைப் பார்த்துக்கங்கிறான். என்னடா விஷயம்ன்னா, இப்பத்த நிலவரத்தைச் சொன்னா ஏதோதோ சொல்றாப்படி என்கிறான். நீ டெய்லி பேசினாத் தான்டா என்ன பண்றேன்னு தெரியும்டான்னா, ஆமாம் ஓகே பேசறேன்னு சிரிக்கிறான்

அம்மிணி என் கிட்ட வந்து உங்கப் பையன் ஃபோன் பண்ணானா, நல்லா மிரட்டி விட்டுட்டேன்ங்கிறாங்க! 

என்னத்தை சொல்ல. அம்மிணிக்கு அவனைப் பத்தி கவலை.

அமைதியாய் இருப்பதில் ஆனந்தமே

வாழ்வினிது

ओलै सिरिय ।

¡Los niños saben cómo hablar!

ஸ்பானிஷ் கற்கும் பொழுதில் - 7

ஒரு மணி நேரம் படிக்கப் போறேன் டிஸ்டர்ப் பண்ணாதேன்னு சொன்னா, என்னது இது எப்பப் பார்த்தாலும் இந்த புத்தகத்தோடயே உட்கார்ந்திருந்தா வீட்டுல ஒரு வேலை செய்யறதில்லை, இப்படி அநியாயம் பண்ணா என்ன செய்யன்னு அசரீரி கேட்குது பின்னாடியே!

இங்கு ஜூலை 4 ஒட்டி அனைவருக்கும் விடுமுறை. ஆனால் நமக்கு இன்று இரவுக்குள் இரண்டு quiz மற்றும் ஒரு யூனிட் டெஸ்ட் முடிச்சாவனும். ஒவ்வொன்னும் அரை மணி நேரத்துக்குள்ள முடிக்கனும்ன்னு இருக்கு. நம்ம இழுப்புக்கு ஒன்னு கூட அரை மணி நேரத்தில் முடிவதில்லை.

இரண்டு நாளாப் படிச்சு, இன்று வரை இழுத்தடிக்க வேண்டாமென்று, நேற்று மாலையே முடித்துவிட்டேன். ஆனால் திருப்தியில்லை. ஒரு ஸ்பானிஷ் paragraph கொடுத்து அதிலிருந்து கேள்விகள். ஒரே வாக்கியத்தை அர்த்தம் மாறாமல் எப்படி திருப்பி எழுதுவது. அதே மாதிரி  ஒரு வாக்கியத்தை நான், நீ, உன், அவர், அவர்கள், நாங்கள் என எவ்வாறு வாக்கியங்கள் மாற்றி அமைப்பது என பல வகைகளில் எழுதனும். 

யூனிட் டெஸ்ட் மட்டும் ஒரு தடவை சப்மிட் பண்ணியதை மறுபடியும் திருத்திக் கொடுக்க வாய்ப்பில்லை. ஒரு வழியாக நேற்று முடித்து இருப்பினும் மனம் அமைதி கொள்ளாமலிருக்கு. இரவும் பழைய lessons சாப்டரை எடுத்து உருட்ட ஆரம்பிச்சேன்.

முயற்சியில் பின் வாங்க விருப்பமில்லை. எப்படியோ ஸ்பானிஷ் கற்றுக் கொண்டு விட வேண்டுமென ஒரு துடிப்பு. சுலபமாக முடியவில்லை. சிரமமாக இருக்கு.

கல்லூரி வகுப்பில் சேர்ந்து ஐந்து மாதமாகி விட்டது. இப்ப ஒரு ஸ்பானிஷ் பாரா படித்தால் இப்ப அர்த்தம் புரிகிறது. அதை வைத்து பதில் எழுத முடிகிறது. ஆனால் சுயமாக ஒரு முழு பாரா எழுத தடுமாறுகிறது. வகுப்பில் பேச வேண்டும் வேற.

அடுத்த மாதத்தோடு ஸ்பானிஷ் 2 முடியுது. ஒரே வாரத்தில் ஸ்பானிஷ் 3 ஆரம்பமாகிறது. ஒரு பிரேக் எடுத்து நல்லா ரிவைஸ் பண்ணிவிட்டுப் போனால் நன்றாக இருக்கும் போலிருக்கு.

பார்ப்போம்.

கற்பதில் கொஞ்சம் புரிந்து கொள்ள முடிவதில்

வாழ்வினிது

ओलै सिरिय ।

¡Un largo camino por recorrer!

திருக்கடையூரில் சதாபிஷேகம்

80 வயது பூர்த்தியானவுடன் திருக்கடையூரில் சதாபிஷேகம் செய்து கொள்ள பலர் விரும்புவர். ஆனால் பல குடும்பங்களில் அதைச் செய்து கொள்ள அந்த வாய்ப்பு கிடைக்காமல் போய்விடும். கிடைக்காமல் போனவர்களின் வருத்தங்களை நேரில் கேட்டுள்ளேன்.

இன்று ஒரு தம்பதியினர் தானே சென்று அங்கு செய்து கொள்ள முடிந்தது, அவர்களது உடல் ஆரோக்கியத்தையும் மனநிலையையும் சிறப்பாக உறுதிபடுத்துகிறது. மனமார்ந்த வாழ்த்துகள்.

இதில் எவர் கலந்து கொண்டாலும் கலந்து கொள்ளாவிட்டாலும், அது ஒவ்வொரு குடும்பத்தினரின் தனிப்பட்ட குடும்ப நல்லது கெட்டது கஷ்ட நிலைகள். அதை மற்றவர் குறை காண்பது சரியல்ல.

திருக்கடையூரில் சதாபிஷேகம் நடத்துவதின் சிறப்பை சிறப்பாக நினைப்பவர்கள் அந்த தம்பதியனரை வாழ்த்துவதோடு நிறுத்திக் கொண்டால், இந்த நல்லநாளில் அந்த தம்பதியினர் மகிழ்ச்சியாக இருக்க முடியும்.

மற்றவரைக் குறை சொல்வதால் நம் நிலை உயர்வானதல்ல, உயரப்போவதுமில்லை. வாழ்த்துவதோடு நிற்பதால் மட்டுமே உயர்வான எண்ணத்தைக் கொடுக்க முடியும்.

திருக்கடையூரில் ஆசி பெறுபவர்களுக்கு வாழ்த்துகள்.

வாழ்வினிது

ओलै सिरिय ।

¡Ochenta años!

வானம் வண்ணங்களால் நிறைந்த பொழுதில்

வாணவேடிக்கையின் கடைசி துளி முடிந்த பின்னும்

  இன்னும் ஒரு வெடி வருமா என நிற்கையில்

பிறர் திரும்புகையில் மறைகின்றன ஏக்கங்கள்!

வண்ண ஒளிப்பிரளயத்தில் மலரும் முகங்கள்

   ஒவ்வொரு வெடியின் கலப்பிலும் மலரும் பூவானங்கள்

நினைவினுள் அகலும் முன் கரையும் கூட்டம்!

வான்வெளியில் நட்சத்திரங்களை மறைக்கும் வானவெடிகள்

  காலமெல்லாம் காத்திருந்து காணத்துவங்குகையில்

கையைப் பிடித்துக் கொள்ளும் குழந்தை தொலைதூரத்தில்!

சுதந்திர பூமியின் வண்ணங்கள் 

  அண்டவெளியில் பயணிக்கும் பொழுதில்

அமைதியாய் ஒதுங்கிய ஒரு கனம் இது!

வானம் வண்ணங்களால் நிறைந்த பொழுதில்!

வாழ்வினிது

ओलै सिरिय ।

¡Fuegos artificiales!

ஸ்பானிஷ் கற்கும் பொழுதில் - 6

ஒரு மொழியை கற்றுக்கொள்ளும் போது அல்லது எழுதும் போது எவ்வளவுக்கெவ்வளவு அதில் நாம் பிழைகளைக் களைகிறோமோ அவ்வளவுக்கவ்வளவு அந்த மொழியின் சிறப்பு மட்டுமல்ல, அந்த மொழியில் சொல்லவருவதின் பொருள்/அர்த்தம் கூட மாறாமலிருக்கும். சொல்ல வருவதும் தெளிவாக இருக்கும்.

இப்போது ஸ்பானிஷ் கற்றுக்கொள்ளும் போது வாரா வாரம் quiz மற்றும் டெஸ்ட் வைப்பார்கள். ஒரு சிறு தவறு செய்தால் கூட அதன் முழு மதிப்பெண்ணை கம்ப்யூட்டர் குறைத்து விடும். எந்தவித concessionம் கிடையாது.

போன வாரம் கொடுத்த quiz ஒன்றில் இது மாதிரி கொடுத்து அதை இலக்கணப்பிழையில்லாமல் வாக்கியத்தை முழுமையா எழுத வேண்டும்.

அவர்கள் டெஸ்டில் கொடுத்தது (பெயர் மாற்றத்துடன்) இது மாதிரி இருக்கும். 

Carlos y yo / preocupado /  la situación / el aeropuerto.

இதை இலக்கணப்பிழையில்லாமல் முழு வாக்கியமாக எழுத வேண்டும். சில சமயம் அந்த verb/adjectives வருகிற இடத்தில் இடைவெளி விட்டிருப்பார்கள். அதை நிரப்பனும்.

நான் எழுதிய விடை

Carlos y yo estamos preocupado por la situación en el aeropuerto.

சரியான விடை

Carlos y yo estamos preocupados por la situación en el aeropuerto.

அவ்வளவு தான். சிறு இலக்கணப்பிழை. ஒரு letter குறைவு. அர்த்தம் மாறுபடுது/இங்க வாக்கியம் சரியாக முற்றுப்பெறவில்லை. முழு மதிப்பெண் போச்சு.

பலருக்கு இது என்ன சாதாரண விஷயம் தானேன்னு இருக்கும். ஆனால் அதுவல்ல.

இது பதிப்பகத்தாருக்கும், மொழி பெயர்ப்பாளர்களுக்கும், பத்திரிக்கைத் துறையிலிருப்பவர்களுக்கும் இதன் முக்கியத்துவம் புரியும்.

ஆனால் நம்மைப் போல் சாதாரண மனிதர்கள் கற்கும் போதோ எழுதும் போதோ பெரிதுபடுத்தாமல் செய்கிறோம்.

என்னால் அந்த குறிப்பிட்ட மதிப்பெண் பெற முடியாததற்கு இது மாதிரி சிலது காரணமாய் நிற்கிறது. வெறும் அரை மணிநேரத்துளிக்குள் இவற்றை கூர்ந்து கவனித்து 20-25 கேள்விகளுக்கு பதிலளிப்பது, முழு பாரா எழுதுவது தான் சிரமமாக உள்ளது.

தமிழில் எழுதும் போதும் மேலே உள்ளது போல் நான் நடுவில் ஆங்கில வார்த்தைகளைச் சேர்ப்பதும் தமிழ் மொழியின் சிறப்பைக் குறைக்கும். ஆனால் இப்போது தூய தமிழில் எழுதினால் நம்மை பிரமை பிடித்தவராய்ப் பார்ப்பதுவும் இக்காலத்தில் உண்டு.

பின்குறிப்பு: நேற்று எல்லா டெஸ்ட்டும் முடிச்ச பிறகு ஏற்பட்ட சஞ்சலத்தால் நேற்றிரவிலிருந்து பழைய டெஸ்ட் பேப்பர்ஸ் எடுத்துப் பார்த்து வருகிறேன். என்ன தவறு செய்துள்ளேன்னு பார்க்கும் போது பிடிபட்டவைகளுள் ஒன்று இது. சில்லி மிஸ்டேக்ஸ் பிடிபடவில்லை.

எவ்வாறாயினும் கற்பதில்

வாழ்வினிது

ओलै सिरिय ।

¡Evitar errores!