Saturday, June 13, 2015

இசையை பொருளாக்கியதில்

இசை பொருளாக்கப்பட்டு விட்டது. இசை சத்தமாக மாறி விட்டது.  NRIகள் சென்னை டிசம்பர் சீசனில் இப்ப அதிகம் பங்கேற்பதால் ம்யூசிக் தரம் குறைஞ்சு போச்சு அதனால் TM Krishna இந்த சீசன் பாடப் போவதில்லைன்னு படிச்சேன். அது அவர் விருப்பம். சிலவற்றில் உண்மை இருக்கலாம்.

இங்கு  தியாகராஜ ஆராதனையில் கூட கலந்து கொண்ட சிலர் அங்கு நடக்கும் போட்டிகளில் பரிசு வழங்குவதில் பாரபட்சம் நடப்பதாக சொல்வதை கேள்விப்பட்டேன்.

ஆனால் இது எல்லாவற்றிலும் ஒன்றைப் பார்த்தால் எல்லாம் கமர்ஷியலாகி விட்டது. வித்வான்கள் nri குழந்தைகளுக்கு சொல்லிக் கொடுக்கும் கட்டணம் கூட. அரை மணி நேரத்துக்கு 25$. ஒரு மணிநேர கிளாஸ்க்கு 50$. வித்வான்கள் இங்கு வரும் போது ஒரு வார கேம்ப் நடத்துகிறார்கள். கட்டணம் 300$. எவ்வளவு கட்டணம் வைத்தாலும் குழந்தைகள் போக வேண்டியுள்ளது.

ஒரே காரணம் பெரிய வித்வானிடம் கற்றுக் கொள்கிறோம் என்று NRI பெற்றோர்களின் நப்பாசை. கற்றுக்கொள்ளும் குழந்தைக்கு பெற்றோர் செலவு செய்யும் பணத்தின் அளவும் தெரியாது கற்றுக் கொடுக்கும் வித்வான்களின் அருமையும் தெரியாது. ஆனால் பெற்றோர்களின் விருப்பம் மட்டுமே வித்வான்களின் பசிக்கு இரையாகுது.

இதையே இந்தியாவில் இருக்கும் குழந்தைகளுக்கு ஒரு மாத கட்டணம்  2000 மட்டுமே என்று கேள்விப் பட்டேன்.

இதே வித்வான்கள் அமெரிக்கா வரும் போது இவர்கள் தங்க, பயணிக்க, entertain பண்ண இவர்கள் வாங்கும் கட்டணத்திற்கும் மேலாக பல மடங்கு NRI கள் செலவு செய்கிறார்கள்.  எல்லாம் இசையின் மீதுள்ள அலாதி பிரியம், வித்வான்களுக்கு செலவாகும் பணம், மணித்துளிகள் துச்சமாக கருதி, அது இசைக்கு செய்யும் மரியாதையாக பார்க்கப் படுகிறது.

இவ்வளவும் செய்யும் nri பெற்றோர்கள் எந்த வித்வான்களை உருவாக்கிய அதே சென்னை மார்கழி சீசனில் பாட ஆசைப்படுவதில் அதற்கான செலவுகள் செய்வதில் வித்யாசம் பார்க்க மாட்டார்கள் தானே.

எனக்கு தெரிந்து சில பெற்றோர்கள் டிசம்பர் சீசன் முடியும் வரை இங்கு சம்பளம் போனாலும் லீவை போட்டு, அங்கு ஒட்டல் அறையில் அதிக கட்டணம் செலுத்தி பெரிய வித்வான்கள் பாடும் அதே மேடையில் தன் பிள்ளைகளும் பாட பாடுபடுகிறார்கள்.

இசையின் தரம் குறைந்தால் வித்வான்களும் பொறுப்பு தானே! நீங்கள் சொல்லிக் கொடுத்தவை தானே! 

நீங்கள் இங்கு வந்து போக உங்களுக்கு மட்டும் தான் nri செலவு செய்ய வேண்டுமா. அவர்கள் பிள்ளைகளுக்கும் ஒரு காலத்தில் இதுவெல்லாம் உதவக்கூடும் என்று தானே எல்லாம் செய்தார்கள்.

கமெர்ஷியல் ஆக்கியதில் உங்கள் பங்கும் உண்டல்லவா?

இசையை பொருளுக்காக உடைமையாக்கியத்தில் நம் எல்லோருடைய பங்கும் இருக்கு.  மீள முடியுமான்னு பார்ப்போம். கிருஷ்ணாவின் பகிஷ்கரிப்பை விட வேறு விதமாய் நல்லபடியாக மாற்ற ஒரு வேண்டுகோள்.

# சும்மா ஒரு NRI புலம்பல்

Sunday, March 1, 2015

அன்பென்ற வாழ்வில்

இறக்கம் தளர்ந்து செல்லும் உறவில்
இறுக்கிப் பிடிக்க நினைப்பது
கர்வமா இழப்பா கன்றா!

இழப்பென்றால் கர்வம் தளர்ந்து செல்
கர்வமென்றால் புது சுகந்தம் தேடு
கன்றென்றால் ஆறப்போடு 
கர்வத்தையும் இழப்பையும்!

வாழ்வே போராட்டம்!
இதில் போராட அகந்தையின்றி வேறெதுவே!
வீதியில் வாளெடுத்துப் போராட சமுதாயப் பிரச்சனையல்ல!
சமுதாயம் பரிகசிக்கும் குடும்பப் பிரச்சனை!

வெற்றியும் தோல்வியும் உன்னிடமே!
வெல்லப் போவது அகந்தையா வாழ்வா!
கன்றை நீர் சுரக்க வைக்க கள்மனது தேவையன்று!

அன்பென்ற வாழ்வில் இருவர் பங்கே செல்வமண்டோ!
அன்பாய் செல்வீர் கன்று துள்ளி ஆட!

அகந்தையை வென்றிடுவீர் அன்பின் வலிமையால்!

Friday, February 27, 2015

ஸ்டாக்

ஸ்டாக் மார்க்கெட்ல பணத்தைப் போடுவதும் பந்தயத்துல பணம் கட்டுவதும் ஒன்னு தான். ஆனால் சிலர் தான் மட்டும் கில்லாடி ன்னு சம்பாதிச்சிட்டுப் போகாம சிலருக்கும் போகிற போக்கில சொல்லிட்டு போகுறாங்க.

MSN Money யில அப்பப்ப 10$க்கு குறைவான விலையில நல்ல ஸ்டாக் ன்னு போடுவாங்க. எல்லாத்தையும் வாங்க முடியாது. வாங்கினாலும் நஷ்டமாவலாம்.

போன வாரம் ஒரு ஸ்டாக் போட்டிருந்தாங்க. 4$ தான் இருந்துச்சு.நான் வாங்குவதற்க்குள்ள 4.25 டு 4.50 போயிருச்சு. ரொம்ப யோசிச்சுட்டேன். இந்த ஒரு வாரத்தில் 6க்கு மேலப் போவுது. 50% லாபம்.

இதுக்கும் முன்ன ஆபீஸ் depot ஸ்டாக் 4$ இருக்கும் போதும் இதே மாதிரி சொன்னாங்க. வாங்கினேன். லாபம் தான். Rite Aid ஸ்டாக் சொன்னாங்க, 1 லிருந்து 8 போயிருச்சு. வாங்கி முன்னவே தள்ளிட்டேன்.  லாபம் போச்சு. SIRI பத்தி வரும்.ஏறுது நிக்குது.

எப்பிடி இவிங்களுக்கு முன்னவே தெரியுது.

ஆப்பிள் முதல் முதல்ல ipod ரிலீஸ் பண்ணுவதற்கு தயாராகும் போது, 2006-2007 ன்னு நினைக்கிறேன், இந்தியாவிலிருக்கும் என் அண்ணன் இந்த ஸ்டாக் 26$ ன்னு ஹிந்து வில்  article வந்திருக்கு, 100$ சீக்கிரம் போயிரும்ன்னான். அவன் சொன்ன அன்னிக்கே வாங்கினேன், ஆனால் அன்னிக்கே விலை 60$. 80$ - 90$ டாலர் விலையில மேலையும் கீழயும் போய் வந்ததால 88க்கு தள்ளிட்டேன். இன்னிக்கு அதன் மதிப்பு 1820$. இப்ப ஸ்டாக் ஸ்ப்ளிட் ஆகி 130$ ல நிக்குது. அப்ப விக்காம வைத்திருந்தால் அள்ளிருக்கலாம். அதற்கு பின் அதிக விலை கொடுத்து வாங்கிய போதும் இன்னும் ஏறிகிட்டு இருக்கு. நேற்று ஆப்பிள் மேல் 9 patent கேஸ் வந்திருக்கு. விலை குறையலாம். இன்னும் iwatch வைச்சு கிட்டு ஆட்டோ industry ல புகப் பார்க்கிறார்கள் . மேலையும் கீழயும் போகும்.

பங்கு சந்தை அபாயகரமானதுன்னாலும் எங்க retirement saving இதை ஒட்டியே இருப்பதால் ஆண்டியாகாம இருக்க இதில் நடப்பவற்றைப் பற்றி பார்த்துக் கொண்டு இருக்க வேண்டியுள்ளது.

இதில் குறிப்பிட பட்டுள்ள எந்த ஸ்டாக்கும் நான் யாருக்கும் இதன் மூலம் பரிந்துரைக்க வில்லை.

Saturday, February 21, 2015

நினைவலைகள் மறையும் முன்

ஆறுதல் அடைய முடிவதில்லை எளிதில் !
இழக்கக் கூடாதவர்கள் தொலைதூரம்
மறைந்து விடுகிறார்கள் நிழல் போல்
நினைவுகளை நிறுத்தி விட்டு!

தோளில் சுமந்த கைகளைப் பற்றிக்  கொண்டு
செல்லும் நினைவலைகள் மறையும் முன்னே
நம்மை விட்டு தொலைதூரம் கடந்து விடுகிறது
விட்டுச் செல்கின்ற வண்ண நினைவுகள்!

விடைபெறும் நேரத்தில் அருகில் இல்லை
எதை விடைகூறி சென்றாரென்று தெரியவில்லை
மார்ச்சுவரியிலிருந்து மயானம் வரை சென்று
கேட்டுப் பார்த்தும் தெரியவில்லை!

இன்றோர் தந்தை மறையும் முன் தனையனிடம்
விட்டுச் சென்ற வார்த்தைகளை உடனிருந்து
கைப்பற்றி அறிய முடியா தூரத்திலிருந்து கொண்டு
வழிதடம் அனுப்பி வைக்கும் சோகம் மறைவதில்லை!

ஆறுதல்கள் தேவையில்லை ! ஆதரவு உண்டு!
விட்டுச் சென்றவர்கள் கொடுத்த வழித்தடம்
திறம்பட அறியும் மனத்திடம் உண்டு!
கரைந்தாலும் நன்கு கரையேறுவோம்!