அலைகளுக்குத் தெரியும்
கரைகள் சாஸ்வதமில்லையென
ஆர்ப்பரிக்கும் அலைகளுக்கு
கரைகள் சொல்லும்
உன் ஆக்ரோஷங்கள்
என் முன் அடங்கிவிடுமென!
அலைகளாய் எழும் ஆக்ரோஷங்கள்
திடமான கரைகள் முன்
மணலில் எழும் சுவட்டை அழிக்கலாம்
கரைகளின் அடித்தட்டுகளையல்ல!
அலைகளின் சமரசங்களில் ஓடங்கள்
காற்றின் இழுப்பிற்கு அசையும்
ஆர்ப்பரிக்கும் அலைகளில்
ஓடங்கள் கரை சேரும்
திடமான சிந்தனைகள்
அமைதியின் ஓடங்களாகும்!
அலைகளின் ஆர்ப்பரிப்பிலும்
கரைகளின் தடுப்பிலும்
அலை மோதி நிற்கும் ஓடம்!
அலை மீது ஓர் ஓடம்!
No comments:
Post a Comment