நினைப்பது நடப்பதில்லை
நடப்பதை நினைப்பதில்லை!
சொல்வது நடப்பதில்லை
நடப்பதைச் சொல்வதில்லை!
தாய் கேட்கும் செய்தியில்
பலன் பல நிற்கின்றன!
என்றாவது அது கிடைக்குமெனில்
தளர்ந்த நடையைத் தள்ளிப்போடலாம்!
கேட்பதில் கிடைக்கும் பலன்
மனதில் தரும் நம்பிக்கை!
செயல் பெறப்போகும் நாளை தேடின்
அது காலம் கடந்த பலனாய்ப் போகுது!
உண்ண உணவும் உடுத்த உடையும்
உடலுக்கு மருத்துவமும்
கிடைக்கும் நாள்தனை நினைத்து
பொழுதைத் தள்ளும் மன பலன்!
தினம் சொல்லும் நாள் பலன்
தாய் கொடுக்கும் தவப்பலன்
கிடைப்பதைப் பெறுவோம்
பெறுவதைப் போற்றுவோம்!
ஒரு நாள் பலிக்கும் கணிப்பு!
அதைத் தேடி தொலைப்பதை நிறுத்து!
நடப்பதைச் சொல்!
சொல்வதை நடத்து!
உன் பலன் உனது சுவடு!
No comments:
Post a Comment