முன்னெடுத்துச் செல்ல முனைவதற்குள்
பின்னிழுத்துக்கொள்ள ஓர் தடை மந்திரம்!
எங்கோ அது தொலைவிலில்லை!
அருகில் அசரீரியாய் ஒலிக்கும் எதிரொலி!
தலைநிமிர்ந்து நடக்க எத்தனிக்கும் முன்
தலையிலிடிக்குமாறு வரும் கணைகள்!
எங்கோ அது தொலைவிலில்லை!
அருகிலிருந்து உணர்த்தும் இயலாமை!
வான்வெளியில் மலர்ந்து பயணிக்க எத்துகையில்
காற்றைக் கிழித்து வரும் அம்புகள்!
எங்கோ அது தொலைவிலில்லை!
உன் கை பின்னால் சிக்கிய முட்கள் அவை!
மலர்களைத் தொடுத்து அணிய முற்படுமுன்
மலர் தொடுக்க உதவும் நாறுகளை
இழுத்துப் பிடிக்கத் தெரிந்த உதடுகளுக்கே!
எதுவும் அஃது தொலைவிலில்லை!
தொலைவிற்கோர் தடை கல் நம் அருகில்!
No comments:
Post a Comment