இடைவிடாது அழைக்கும்
வாசல் மணி அழைப்பில்
பொறுமையற்றுப் போய்
வெடுக்கென வரும் கோவத்தில்
திறக்கும் கதவின்
இடுக்கடியில் புகுந்தோடும்
குழந்தை கண்டு
பஞ்சாய்ப் பறந்து போனது கோவம்!
சுருக்கென கேட்க வேண்டி
கதவு திறந்தால்
மலர்ந்த முகத்துடன்
தட்டில் பணியாரத்துடன்
பேத்தியும் தாத்தியும்
சிரிக்கும் சிரிப்பில்
என் முன்கோவம்
சிலிர்த்து விட்டது!
அவர் பேசும் மொழி நாமறியோம்
நாம் பேசும் பொது மொழி அவரறியார்
அன்பெனும் பெருங்கடலுக்கு மொழி எதற்கு!
முன்கோவத்தில் முழுமையிழந்தேன்
முன் கதவு திறக்கையிலே
முட்டி மோதிய குழந்தையின் காலடியில்
பட்டுத்தெறித்த கோவம் பதமாய்ப் போனது!
குழந்தையின் மிதியடியில் முன் கோவம்!
No comments:
Post a Comment