இழப்பிற்கு மரியாதை

நேரில் வந்து துக்கம் கேட்டால்
எள்ளி நகையாடும் கூட்டம்
வரவில்லை என்றாலும்
அதையே பொலி போடும் கூட்டம்!

போராடியவனும் ஆதாயம் தேடிப் போனான்
மூடியவனும் ஆதாயம் தேடிப்போனான்
துக்கம் விசாரிக்கப் போனவனும்
அதையே தேடிப்போனான்!

எள்ளி நகையாடுபவர்களுக்கு எவருமில்லை
விருப்பங்கள் நிறைவேறுவதில்லை
எவரும் தேர்ந்தெடுக்கப்படுவதில்லை!
டெபாசிட் கூட கிடைப்பதில்லை!

இழப்பிற்கு மரியாதையில்லை!
இழப்பில் எள்ளி நகையாடும்
ஏசும் கூட்டத்திற்கு
ஏசுவதைத் தவிர ஏதுமில்லை!