Friday, May 16, 2014

வெற்றியின் எண்ணிக்கை

ஒரு பரிட்சை எழுதப்போகிறோம் என்று வைத்துக் கொள்வோம். கேள்வி ஒன்றில் நான்கு ஆப்ஷன் கொடுத்திருக்கிறார்கள் என்று வைத்துக் கொள்வோம். நீங்கள் தேர்ந்தெடுக்க வேண்டியது ஒன்றே ஒன்று தான். யார் அதிகமாக ஒரே பதிலை தேர்ந்தெடுக்கிறார்களோ அதுவே வெற்றி பெற்றதாக அறிவிக்கப்படும் என்று விதிமுறையும் அறிவிக்கப் பட்டுள்ளது.

100 பேர் பங்கேற்பதில் ஒரு பதிலை மட்டும் 26 பேரும் மற்றவைகளை 25, 25, 24 என்று தேர்ந்தெடுத்தால், 26 பெற்றவைகளை விதிமுறைப்படி வென்றதாக ஏற்றுக் கொள்வீர்களா அல்லது 74 பேர் அதற்கு எதிராக பதிலளித்து உள்ளதால் 26 வெற்றியல்ல என்று அறிவிப்பீர்களா?

நான்குவிதமான பதில்கள் தராமல் இரண்டு பதில் மட்டும் தந்து விட்டு ஒன்றை மட்டும் செலக்ட் பண்ண வேண்டிய நிலையைக் கொடுத்தால் மட்டுமே அது பெரும்பான்மை என்பீர்களா?

உலகின் மிகப் பெரிய ஜனநாயக நாட்டில், 50 கோடிப்பேர் வாக்களிக்கும் நாட்டில், வெறும் இரண்டில் ஒன்றை மட்டும் தேர்ந்தெடுக்க வாய்ப்பு கொடுக்குமாறு வற்புறுத்தினால் மக்கள் ஜனநாயகம் மறைந்து விடாதா?

இரண்டிற்கும் மேல் யோசிப்பதற்கு வாய்ப்பு கிடைப்பதே எவ்வளவு பெரிய வெற்றி ஒரு மிகப்பெரிய மக்கள் தொகை கொண்ட நாட்டிற்கு.


வெற்றி பெற்றது 26 பேர் மட்டும் தேர்ந்தெடுத்து அல்ல. பதில் நான்காய் அமைவதற்கு வாய்ப்பளித்ததே.